Клуб дорын кино виччысигмоз гиблитчисны челядь. Евлог матыстчис на дорö и кутiс кывзыны, мый йылысь мунö сёрниыс. Ставыс кытшалöмаöсь Шурикöс, кодi челядь пиын медся ыджыд, велöдчö Веждiнын и, дерт, уна тöдö.
- Велöдам английскöй кыв. Зэв сьöкыд. Главнöйыс - öтитор гижöма, а колö лыддьыны дзик мöдтор. Шуам, гижöма - Михаил, а мый колö лыддьыны? Кыдзи чайтанныд?
Некод, дерт, эз тöд. Та вöсна Шурик ачыс вочавидзис:
- Майкл! Вот мый колö лыддьыны!
Челядь шызисны, кодсюрö серöктiсны.
- Сiйö мый на, гижöма кö - Манчестер, колö лыддьыны - Ливерпуль.
- Мый нö тайö англичанаыс, дзик йöйöсь али мый? - чуймис Евлог.
- Абу нин, дерт, ёна сюсьöсь. Французъяслöн сiдз жö нинöм он гöгöрво. Гижöны - Аугер, лыддьöны - Оже. Да нöшта найö пыскыльтöны посни кагаяс моз, оз артмы налöн «ры»-сö шуöмыс. Немечьяслöн неуна кокниджык, налöн кöть позьö мыйкö да мыйкö гöгöрвоны. Шуам, штуль – сiйö лоö улöс.
Рочьяслöн моз жö. А тюр - öдзöс.
Челядь бара серöктiсны.
- Мун пö татысь тюр.
- Рочьяслöн öд эм жö сэтшöмыс, гижöма - кого, его, а лыддьöны - ково, ево.
Евлог кывзiс Шуриклысь висьталöмсö да ас кежас мöвпалiс, мый гырысь классъясын кутас велöдны немецкöй кыв, мед война кö пансяс, сiйöс мöдöдасны враг тылö разведчикöн. Кутас ветлöдлыны фашистъяс пöвстын немецкöй формаöн да тöдмавны налысь гусяторъяссö. Ковмас, дерт, бура велöдчыны, мед сöмын шлочкыны-сёрнитны на ногöн.
И друг юрас сылы воис мöвп: «А ми öд, комиясыд, кыдзи гижам, сiдзи и лыддям. Артмö, мый комияс – медсюсьöсь!»
Таысь детинкалöн ичöтик сьöлöмыс тыри ыджыд радлунöн. Збыль öд, мыйтта йöз мирас, а некод абу гöгöрвоöма гижны сiдзи, кыдзи сёрнитö. А вот найö – комияс, мед кöть и этшаникöнöсь, абу кыпöдчысьöсь, а кужöмаöсь вöчны сэтшöм прöстöйтор, мый колö гижны сiдзи, кыдзи лыддян, а лыддьыны, кыдзи гижан.
Возле клуба в ожидании начала кинофильма резвилась ребятня. Евлог подошёл к ним и стал прислушиваться, о чём идёт разговор. Все окружили Шурика, который старше всех, учится уже в Веждино и, конечно, знает больше всех.
-Учим английский язык. Очень трудный. Главное, написано одно, а читать надо совсем другое. Скажем, написано – Михаил, а что надо читать? Как думаете?
Никто, конечно, этого не знал. Поэтому Шурик сам и ответил:
-Майкл! Вот что надо читать!
Дети оживились. Некоторые засмеялись.
-Это ещё что! Вот если написано Манчестер, надо читать – Ливерпуль!
-Что же эти англичане, совсем тупые, что ли? – искренне удивился Евлог.
-Наверно, не очень уж умные. У французов тоже ничего не поймёшь. Пишут – Аугер, а читают – Оже. Да ещё и как малые дети, «р» не могут выговорить. Немецкий немного легче, у них хоть что-то да можно понять. Скажем, штуль – это будет стул. Почти как по-русски. А тюр – дверь. И у русских есть такое. Например, пишут: кого, его, а читают – ково, ево.
Евлог внимательно слушал разговор и думал, что вот, ещё немного вырастет, поедет учиться в Веждино, выучит немецкий язык. А если начнётся война, то его, как хорошего знатока вражеского языка, направят разведчиком к немцам. Он будет ходить в форме немецкого офицера, выявлять военные тайны фашистов и передавать их нашим. Придётся, конечно, отлично учиться, чтобы этот трудный язык знать назубок.
И тут ему в голову пришла мысль, а ведь мы что пишем, то и читаем. Это значит, что мы – коми, самые умные.
От этого маленькое сердце его переполнилось небывалым счастьем. Вот ведь, сколько народов в мире, а только коми догадались, что надо писать так, как говоришь, а читать так, как написано. Просто и ясно!
Перевод автора
Назад в раздел
