Со и Евлогöн сэтшöм дыр виччысяна сентябрь öтикöд лун. Босьтас оз нин Василиса Николаевна сiйöс школаас? Öд сылы абу на сизим арöсыс. Мед эськö босьтас жö! Кольöм во детинка тайö кадас волiс нин школаö велöдчöм вылö, но Василиса Николаевна мöдöдiс сiйöс бöр гортас, быдмышт на пö. Бöрдiгтырйи сэки гортас локтiс, сэтшöм окота вöлi велöдчыны. Кутшöм абу шань вöлöма тайö Василиса Николаевнаыс! Водзын сэтшöма сiйö кажитчыліс детинкалы-а… Но арнас вöтлiс, а тулыснас бöр корис сiйöс школаö да сэки Евлог кык тöлысь велöдчис нин. Ставсö жö вöчлiс, мый и мукöд школьникъяс, сöмын дежуритны эз пуктывлыны. Мый тон таво лоас-а?
Катя-чойыскöд, коді таво мунö мöд классö, öтлаын локтiсны школаö, кöнi чукöртчöмаöсь нин ставыс, тшöтш и Кирдасаяс, кодъяс велöдчисны Демаын жö. Öд Кирдаас школаыд абу. Вот матыстчö нин школа дорö Василиса Николаевна. Сiйö вöччöма жö, кыдзи и велöдчысьяс, кодъяс талун медся бур паськöмсö кышалöмаöсь.
-Здравствуйте, Василиса Николаевна! – гораа чолöмасьöны велöдыськöд гырысь челядь. Поснияс оз на гöгöрвоны да сöмын ныръяснас нускöны.
-Здравствуйте! – юрнас довкнитлöмöн вочавидзö Василиса Николаевна. –Пырамöй школаас.
Челядь, кодъяс велöдчöны мöдöд, коймöд да нёльöд классъясын, пуксялöны партаяс сайö. Нёльöд классын велöдчысьяс, кыдзи медся гырысьяс, бöръя визяс. Выль пырысьяс сулалöны дöска дорын да виччысьöны, кутшöм парта налы индас велöдысь. И со быдöнлы лои аслыс пуксянін. Василиса Николаевна заводитö урок. Классын чöв-лöнь. Некод шы оз лысьт лэдзны, кодкö кö мыйкö шуас, велöдысь сiдзи видзöдлас, мый чöвлунсö торкысь пыр жö йöжгыльтчö да лöньö.
-Тавосянь миян нолевöй класс оз ло. Ичöт школьникъяс пырöны веськыда первой классö. Евлогий, тэныд кымын арöс? Сизимыс эм, али абу на?
-Сентябрь нёльöд лунö тырö сизимыс, - парта саяс сувтлöмöн полiгтырйи вочавидзис детинка да гöрдöдiс, öд тайö лои кöть и неуна, но пöръялыштöм, сылöн чужан луныс сёрöнджык на.
Василиса Николаевна мыйкö дыра мöвпалыштiс, сэсся шуис:
-Но, ладнö, пуксьы. А тэныд, Вера, кымын арöс?
Вера сувтiс да нинöм эз вочавидз.
-Кымын арöс тэныд? – выльысь юалiс велöдысь.
Вера чöв олiс.
-Сылы сизимыс ноябрын тырö, - шыасьö Евлог да пыр жö тупкö вомсö кинас, öд школаын оз позь сёрнитны, колö лептыны ки.
-Тэнö, Евлогий, оз юавны! Вера, тэ он кöсйы сёрнитны? Сiдзкö, мун гортад, мöд во локтан.
Вера босьтiс сумкасö да петiс. Евлоглы весиг рад лои, мый со эз сöмын сiйöс бöрыньтлыны школаад ветлöмысь.
Василиса Николаевна сеталiс гижсян да лыддьысян уджъяс гырысь классалы да бара шыöдчис ичöтъяс дорö.
-Но, первоклассникъяс, вайöй жö видзöдлам, кодi кымынöдз кужö лыддьыны.
Лыддялiсны торксялöмöн кодi дасöдз, кодi кызьöдз. Сöмын Евлог лючки лыддис сёöдз.
-Молодеч! – ошкыштiс сiйöс Василиса Николаевна. –Талунсянь тi лоанныд октябрятаöн. Пионеръяс öнi тiянлы сеталасны октябрятскöй звёздочкаяс.
Гöрд галстукъяса нёльöд классын велöдчысьяс быдöнлы вичмöдiсны картонысь вундöм вит пома звезда, кодöс мавтöма гöрд акварельнöй краскаöн.
-Гортаныд вурыштанныд тайö звёздочкаяссö дöрöманыд, сöмын энö мышкас, а водзас, мед морöс выланыд лоö значокыс. Тайö петкöдлö, мый тi кутанныд водзö нуöдны Великöй Ленинлысь делöсö.
Öнi кежлö тiян медся шöр могныд – бура велöдчыны. Öд Владимир Ильич ачыс шулiс: «Велöдчыны, велöдчыны, велöдчыны!»
Бöрö коли медводдза четверть. Каникул бöрын первой луннас жö Василиса Николаевна шуис:
-Ме Веждiнысь вайи вит выль октябрятскöй значок. Со найö кутшöм мичаöсь, - и лэптылöмöн петкöдлiс ставыслы югъялысь гöрд звезда.
-Но, челядь, кодлы сетам первой звёздочкасö?
Нёльöд классын велöдчысь Елесь Сергей лэптiс кисö да парта саяс сувтлöмöн шуис:
-Медводз сетам Лыюров Евлоглы.
Кутшöм ыджыд радлунöн тыри сьöлöмыс детинкалöн. Со öд, медводз сылы сетiсны, кöть и школаас медся ичöт. Сiдзкö, сiйöс лыддьöны медбур велöдчысьöн.
Василиса Николаевна пысалiс значоксö Евлоглы морöсас. Сы бöрын сеталiсны нин мукöдлы. Но та вылö детинка эз нин видзöд. Сiйö любуйтчис сöмын аслас звезда вылö, кодлöн шöрас вöлi ичöтдырся Ленинлöн мыгöрыс, а ёсьмысь помъясас кутшöмкö югъялысь гöрд стеклö. И бöрладорас ичöтик приколка, код отсöгöн пысалöны значоксö дöрöмас. Татшöм ыджыд шудыс Евлоглöн эз на вöв некор, не лыддьыны кö сійö лунсö, кор тöдтöм тракторист пуксьöдліс сійöс трактор кабинаас да гурöдіс сикт кузя.
Гортас сёйыштöм бöрын сiйö кöсйис пысавны значоксö пупайкаас, мед сiдзи ветлыны гуляйтны, но мамыс шуис, мый котралiгад вермас жугöдны сiйöс да воштыны, мед пö дöрöм вылас и олö.
Новлiс звездасö Евлог во чöж, но коркö öтчыд пысыс сылöн прöстмис и усис. Кымынысь заводитлiс детинка сiйöс вöчны, пуктыны местаас да топöдны, но эз вермы. Кöсйис пачын сывдыны дрöб тусь, мед свинечыс крепитас ичöтик приколкасö местаас. Но кор пуктiс значоксö öгыралысь шомъяс вылö, югъялысь стеклöыс значоклöн кутiс сотчыны, мисьтöммыны. Сідзи нинöм Евлоглöн эз и артмы.
Медбöрын мамыс шыбитöма значоксö да пыссö лöканьö. Но Евлог казяліс да судзöдiс сэтысь найöс.
-Аттö, мый и вöчны? – видзöдiс пиыслöн майшасьöм вылö мамыс да тшöтш шогсис. – Вай Кузнеч Вась дорö Кирдаö нула. Колöкö, сiйö вермас вöчны? Меным сэтчö колö жö вöлi петавны-а.
И збыль, Кузнеч Вась, мастер мортыд, пыстö значокад крепитöма, но звездаыс лоöма мисьтöм, гöрд пыдди сьöд сотчöма вывсьыс став югъялысь гöрд стеклöыс, и Лениныс тшöтш öдва тöдчö. Но зато приколкаыс крепыда пуксьöма, оз лег.
И Евлог пысалiс дöрöм бердас сьöдöдöм, пемыд, но сэтшöм дона звездасö да новлiс коймöд классöдз, кытчöдз эз ло пионерöн.
Наконец-то наступил такой долгожданный сентябрь. Опять, как и в прошлом году Евлог, завернув в платок несколько тетрадок и книжек, пошёл со старшей сестрой Катей в школу. На сердце мальчика кошки скребут, возьмёт ли его Василиса Николаевна, или отправит обратно домой, как в прошлом году? Тогда Евлог вернулся из школы со слезами на глазах, так обидно было ему, когда учительница сказала: «А ты, Евлогий, подрасти ещё». Так он тогда обиделся на Василису Николаевну! Но осенью прогнала, а весной сама же и предложила, чтобы походил в школу вместе с другими оставшиеся два месяца. В школе он выполнял все обязанности, что и другие школьники, только дежурить не ставили.
Вместе с Катей, которая в этом году пошла во второй класс, пришли к школе, где уже собрались все дети, как демовские, так и кирдовские. Ведь в Кирде школы нет, вот и ходят за три километра пешком. Подошла Василиса Николаевна, как всегда, красивая и улыбчивая.
-Здравствуйте, Василиса Николаевна! – громко приветствуют её старшие школьники. Младшие ещё не научены этому, поэтому молчат и только носами шмыгают.
-Здравствуйте! – кивая в ответ, здоровается учительница. –Заходите в класс.
Ученики занимают свои места строго по рангу. Чем старше ученик, тем дальше от доски, ведь в одной комнате учатся четыре класса. Так заведено издавна. Первоклашкам полагается сидеть впереди, перед глазами учительницы. Пришедшие в школу в первый раз стоят у доски и ждут, куда их посадит Василиса Николаевна. И вот каждому досталось место. Василиса Николаевна начинает урок. В классе тишина. Если кто-то случайно её нарушит, учительница так посмотрит на него, что тот съёживается и надолго затихает.
-С этого года, ребята, приготовительного класса у нас не будет. Младшие сразу идут в первый класс и будут учиться вместе с прошлогодними нулевиками. Евлогий, тебе сколько лет? Семь уже есть?
-Четвёртого сентября будет семь, - встав за партой, ответил учительнице Евлог и густо покраснел, так как немножко, совсем чуточку, но всё же соврал.
Василиса Николаевна минуточку подумала и сказала:
-Ладно, учись. А тебе, Вера, сколько лет?
Вера тоже встала за партой, но ничего не ответила.
-Сколько лет тебе?
Вера молчала.
-Ей семь лет исполнится в ноябре, - внезапно вырвалось у Евлога, и он тут же прикрыл рот ладонью. Ведь с места разговаривать в школе нельзя, надо поднимать руку, это он уже усвоил, но вот не сдержался.
-Тебя, Евлогий, не спрашивают! Вера, ты не хочешь отвечать? Тогда иди домой, придёшь в будущем году.
Вера взяла сумку и вышла. Евлог злорадно ухмыльнулся, вот ведь, не только ему плача возвращаться домой приходится. Вера тоже не избежала этой участи.
Василиса Николаевна задала для старшеклассников письменные задания и снова обратилась к малышам.
-Ну, первоклассники, давайте посмотрим, кто уже умеет считать?
Считали с ошибками кто до десяти, кто до двадцати. Только один Евлог без запинок сосчитал до ста.
-Молодец! – похвалила его учительница. –Ребята, с сегодняшнего дня вы не только школьники, но и октябрята – внучата Ильича! Сейчас пионеры раздадут вам октябрятские звёздочки. Вы дома их аккуратно пришьёте к рубашкам, только не на спине, а на груди, и будете постоянно носить.
Ученики четвёртого класса с повязанными на шее красными галстуками вручили им вырезанные из картона звёздочки, окрашенные красной акварельной краской.
-Звёздочка на груди означает, что вы – продолжатели дела Великого Ленина. С сегодняшнего дня ваша главная задача – хорошо учиться. Ведь сам Владимир Ильич говорил: «Учиться, учиться, учиться!»
Осталась позади первая четверть. В первый учебный день после каникул Василиса Николаевна сказала:
-Я привезла с Веждино пять новых октябрятских значков. Смотрите, какие они красивые, - и подняла одну звёздочку вверх, чтобы все смогли увидеть её. –Ну, ребята, кому первому вручить такую звёздочку?
Ученик четвёртого класса Елесь Сергей поднял руку и, встав за партой, произнёс:
-Первую дадим Лыюрову Евлогу.
На Евлога накатила такая жгучая волна радости, вот ведь, какой он счастливый! Не кому-то, а ему – пусть самому младшему в школе, но именно ему вручают эту ярко-красную блестящую октябрятскую звёздочку! От этого у него даже перехватило дыхание, к горлу подкатил тугой комок, мешающий сглотнуть слюну, а к глазам – слёзы. Значит, его считают самым достойным!
Василиса Николаевна приколола значок к рубашке мальчика и пошла раздавать остальные. Но Евлога это уже не интересовало. Он любовался только на свою звезду, в центре которой улыбался юный Володя Ульянов, а острые края так и блестели, покрытые красным стеклом. Непонятно, как это стекло смогли соединить с железом, приклеили, что ли? С обратной стороны значка приделана маленькая булавка, при помощи которой и прикрепляется звёздочка к рубашке. Да, такого счастливого дня у Евлога ещё не было. Разве только тогда, когда незнакомый тракторист посадил его в кабину трактора и прокатил по деревне.
Дома после обеда мальчик хотел прицепить значок к телогрейке, чтобы так пойти покататься на лыжах, но мать остановила его, ведь значок может отцепиться и затеряться в снегу. Евлог согласился с ней, пускай останется на рубашке.
Целый год носил мальчик свой значок, берёг как зеницу ока, но всё таки как-то раз булавка значка оторвалась от звёздочки. Как только Евлог не возился со своим значком, но всё напрасно. Пробовал булавку зажать плоскогубцами, но не смог. Хотел прикрепить при помощи расплавленного свинца, но тоже неудачно. В конце концов мать выкинула значок с булавкой в лохань. Однако Евлог выудил его из воды обратно.
Мать, видя переживания сына, решила отвезти значок к Кузнеч Васю. Тот и правда прикрепил булавку к звезде, но значок от этого прогорел, стал весь чёрный, облик Ленина еле просматривался, красное стекло полностью исчезло.
Но Евлог снова прикрепил такой дорогой его сердцу значок на грудь и носил до третьего класса, вплоть до того, как его приняли в пионеры.
Перевод автора
Назад в раздел
