Кытчöдз челядь эз на пырны школаö, налы зэв окота вöлi велöдчыны. Сiдзи и кыскис посни йылöмöс сэтчö, школа гöгöрын и гиблитчисны. Öтчыд Василиса Николаевна лэдзис найöс пукыштны партаяс сайö, мед видзöдласны, кывзыштасны, кыдзи налöн ыджыдджык ёртъясыс мырсьöны-велöдчöны. Сэтшöм нимкодя найö пырисны классö, пуксялiсны нёльöд класса велöдчысьяскöд орччöн.
Первой гырысьяс лыддисны ичöт войтырлы коми мойдъяс, а сэсся сьылiсны рочöн. Евлог ёнасö эз гöгöрво, мый йылысь висьтавсис сьыланкывъяс, но мыйсюрö век жö вежöртiс.
Велöдчысьяс паськыда вомъяснысö восьталöмöн горзiсны:
Рано-рано утром на парад
Вышли по команде тысячи салдат.
Все они герои – молодцы,
Армии Советской они бойцы.
Евлог сюся кывзiс налысь сьылöмсö, но рочнад лёка на гöгöрвоис да та вöсна кылiс неуна мöд ногöнджык:
На хрен лёвской баш не десеть бьёт,
Маршал выежает изболь шикво рот.
Маршал öбижает стрöй салдат,
Красные знам ёна ог нём горат.
Евлоглы синва петмöн жаль вöлi салдатыс, кодöс Енмыс öбöдитöма, сiдз нин стрöй, да нöшта на кутшöмкö маршал сiйöс öбижайтö. Син водзас, быттьö збыльысь аддзö, сувтiс кöтасьöм гача ичöтик салдат, кодi кутö киас ёсь штыка кузь винтовка. А сы водзö петiс кыз рушкуа Öлеш Митрей чужöма маршал да кутiс вежнясьны, быд ногыс эльтны салдатöс. Тадзи жö коркö и Евлог вылын сералiсны, кор сiйö прöступитiс ворсiгас да кöтöдiс гачсö. Зэв деливö сэки вöлi. Гортас локтiс бöрдiгтырйи, кынмöма. Эз сэтшöма кынмöмсьыс бöрд, а сыысь, мый сы вылын сералiсны да эльтiсны гырысьджык челядь. Медся ёна старайтчис Öлеш Митрей, кодi сiдзи и чиклясис Евлог водзын да нимтiс: «Стрöй Евлог, стрöй Евлог!» Весиг сэки Öлексанлы, кодi челядь пиын вöлi медся ыджыд, жаль лои Евлог да сiйö горöдiс Митрей вылö: «Ланьт, йöй!». Но Митрей вочавидзис кыськö кывлöм шусьöгöн: «Йöйыд некытчö оз вöй, а стрöйыд вольпасяс вöйö».
Школаысь локтöм бöрын Евлог юалiс ыджыд мамыслысь:
-Ыджыд мамö, а стрöйяссö öмöй армияас босьтлöны жö?
-Ог бара-й тöд. Висьысьястö кö оз нулыны служитнытö-а. Тэ бурджык батьыдлысь юав.
Но батьыслысь юасьны Евлог оз лысьт, полö. Коркö ачыс ыджыда быдмас да гöгöрвоас. Сöмын кор на тайö лоö?!
Детишек, которые ещё не учатся, всегда тянет в школу, им очень хочется хотя бы посмотреть, что же делается за этими волшебными стенами. Поэтому в хорошую погоду они постоянно играли возле школы. Как-то раз Василиса Николаевна пустила их посидеть в класс, усадила за парты, чтобы малышня могла увидеть, чему же научились их старшие товарищи, которые важно называли себя школьниками. С какими же счастливыми лицами они сидели и во все глаза смотрели на них.
Сначала старшие школьники читали коми сказки, а затем пели по-русски. Евлогу было совершенно непонятно, о чём же поётся в песне, но кое-что своими куриными мозгами он всё-таки разобрал.
Ученики, широко раскрывая рты, громко пели:
Рано-рано утром на парад
Вышли по команде тысячи солдат.
Все они герои – молодцы,
Армии Советской они бойцы.
Евлог очень внимательно слушал песню, но воспринимал немного по-другому:
На хрен лёвской башне десять бьёт,
Маршал выезжает изболь шикво рот.
Маршал обижает стрöй солдат,
Красные знам ёна ог нём горат.
(Стрöй в переводе с коми – страдающий недержанием мочи).
Евлогу до слёз было жалко солдата, которого и так уже бог наказал, а тут ещё какой-то маршал его обижает. На его глазах, как наяву, стоял маленький нескладный солдат в мокрых галифе с не по росту длинной винтовкой со штыком в руке. А тут вышел маршал с лицом Öлеш Митрея и начал кривляться и дразнить солдата. Так же когда-то и над Евлогом насмехались, когда он не выдержал и случайно намочил штаны. Ох, и неприятно же было мальчику. Пуще всех кривлялся тогда Öлеш Митрей, который обзывал его обидными словами: «Стрöй Евлог, стрöй Евлог!» Тогда даже Шурику, самому старшему среди ребят, жаль стало Евлога и он прикрикнул на Митрея: «Да замолчи уж ты, дурак!»
Придя со школы, Евлог спросил у бабушки:
-А разве тех, кто стрöй, тоже берут в армию?
-Я не знаю. Больных, наверно, не берут же. Ты лучше у отца спроси.
Но к отцу с подобными вопросами мальчик подойти не смеет. Вот вырастет большой, тогда сам узнает. Только когда ещё это случится?
Перевод автора
Назад в раздел
