Ош

Кайисны куимöн ош кыйны. Вöр керкаö воисны, нурйыштчисны. Педöр Вась водiс узьны, а Синпöв Митрей да Ёгор Иван пукалiсны на пызан сайын. Вой шöр бöрын чеччыштiс калич, öдзöс воссис, пырис поп. Кытысь босьтчис вöр шöрын тöвнас? Морыс тöдö. Митрея-Иваналöн юрси сувтiс. А поп на вылö весиг эз видзöдлы, матыстчис Педöр Вась дорö, тшынöдiс, сьылöдiс кулöм мортöс моз: «Упокой, Господи, душу раба твоего...» Пернапасалiс куимысь да воши. Митрея-Ивана уськöдчисны ывлаö, но сэнi туйпом абу, ни шы оз кыв. Видзöдлiсны öта-мöд вылас: «Сё мокасьт, эз жö öд кыкнанныслы öтитор каститчы?» Вöрö петiгад эз юны ни.

Асывнас садьмис Педöр Вась, а сылы висьталöны: поп пö тэнö сьылöдiс войнас. Сералö мужикыд. «Эн мун миянкöд, мыйкö лёк лоö».— «Мунöй, гачтöм челядьöс тадз пöнöй. Ме öд резюв сам вылад ог сетчы, нитшсялöм сир нин». Но мый, он öд кöртав. Мый лоны — лоö.

Кокниа и шедiс ошкыд. Гусьыс вöрзьöдiсны, лыйисны. Кульны лöсьöдчöны. Педöр Вась матыстчис ош дорад, прикладнас жер вомас тувкис да шпыньмунiс. И колö жö тадзи лоны! Ошкыд кыпöдчывлiс, лапанас дöвкнитiс Васьлы да бöр уси. Васьлöн юрыс разi-пельö. А ошкыд кулöма.

Сэсся и шу мыйкö.

Назад в раздел