Витя Кафтайкин – университетэнь тонавтниця. Те сэрей, виев ды превей цёра. Школань прядомадо мейле ульнесь мелезэ тонавтнемс университетэнь филологиянь факультетсэ. Кафтайкин вечксь ловнамо эрзянь, рузонь ды омбо масторонь сёрмадыцятнень. Содыль стихотвореният, ёвтнемат, баснят… Секскак арсесь келейгавтомс эсь содамочинзэ университетсэ. Экзаментнень максомадо мейле, ковонь ютазь, цёрась маризе университетэв поступамодо кулянть. Сон пек кенярдсь. Те ульнесь, кода кортыть, сехте уцяскав чизэ сонзэ эрямосонть. Витя арсесь: «Карми стака. А кода эно? Тосо тонавтыть доцент ды профессорт. Те пек превей ломанть. Сынь бажить кастомс студентнэнь содамочист, теемс эйстэст видестэ арсиця ломанть, паро тонавтыцят… Онот, Иринка, верце куростонть, колмоце ие тосо тонавтни. Ветес… Шныть эйсэнзэ… Паряк, монгак истя карман тонавтнеме? Сави а шажда…».
Алкукскак, васенце иесь ютась стакасто. Кедесь лекциятнень сёрмадомсто свал а кенериль, сизиль. «Тезэнь сядо кедтнеяк а сатыть», - арсесь эсь пачканзо цёрась. Теке марто савкшнось кода-бути кенеркшнемс. Аламонь-аламонь кармась тонадомо. Истя теезель васенце эскельксэсь… Телень ды кизэнь экзаментнэнь Кафтайкин максынзе «ветес». Иень перть Витя теевсь содавиксэкс ламо тонавтницятнень марто, конатнень ютксо ульнесь Вовкаяк, конань марто Витя тонавтнесь ве группасо. Иень перть цёратне свал кирдевсть вейсэ. Тонавтнемась сынст эрямосонть аштесь васенце таркасо… Вана истя апак фатя ютась васенце тонавтнемань иесь. Тонавтницятненень теде башка кавто недлянь перть эрявсь ютамс фольклоронь практика: пурнамс морот, ёвкст, легендат, лайшемат… Теде мейле весе пурназенть макомс тонавтыцянтень.
…Сазь кизэсь. Маней пси читне недлянь перть калясть раужо моданть. Ве пель панкскеяк эзь неяво менельсэнть. Ансяк лиясто пувась вармине. Тень пингстэ экшелямо ансяк якамс… Недлянь перть Кафтайкин ульнесь велесэ. Эрявсь ардомс лия велев, косо эрясь университетэнь тонавтыцязо, тов, косо, учось эйсэнзэ Вова ялгазо. Сонзэ кедьсэ Витя карми эрямо.
Ды тесэ студентэнть марто лиссь апокш зяын. Весе ушодовкшнось а беряньстэ. Валске марто Витя ардсь автовокзалс. Оршазель цёрась весе ашосо: ашо панар ды ашо понкст. Кизэнь картнеяк (сандалятне) – сетькак ашот. Ве кедьсэнзэ ульнесь раужо пакет, ков цёрась пурнынзе–вачкинзе кизэнь оршамотнень. Кафтайкин ютась кассантень, шумбракстнесь тосо аштиця аванть марто, рамась билет ды тусь автобусонь туема таркантень. «Комсеце озамо таркам», - мерсь эсь пачканзо цёрась. – Паро. Паряк удангак». Эрявсь ардомс малав ведьгемень вайгельбеть. Велесь ульнесь вишкине, секскак автобусонь ардтнесь ансяк шлямочистэ (субутасто) ды таргочистэ. Нейгак автобусонь пешксель, кода те эрси свал. Ломантне ардсть эсь велев: кие-бути тетянстэнь-аванстэнь, кие-бути ялганстэнь, кие-бути мекев васов… Витя ардсь практикав. Эсь комсеце таркасонзо. Лиясто штюжилинзе зепензэ, косо ульнесть телефонозо ды студенческой билетэзэ. Цёрась эзь удово. Яла автнесь кургонзо эйсэ ды ёзась сельмензэ. Нежедьсы прянзо вальмантень ды арси мезде-бути. Арзевкшнесь ней сон тонавтнеманзо ланга: да-а, иесь ютась бойкасто. Тесэ ледсь Воваяк, конань марто иень перть сынь теевсть прок кавто ялакст. Ледсь велесэ меельце ютавтозь недляськак, экшелямо таркав якамотне… Матедеви Кафтайкин ветешка минутас, ды автобусонть кодамояк лоткамсто стяви. Варшты стядо ардыцятнень лангс, конат теке шкастонть ваныть лангозонзо, варшты куя кондукторонть лангс, кона лови ярмакт. Варшты вальмава, косо неяви мазый пертьпельксэсь. Варшты пакетэнзэ лангс. Штюпасынзе зепензэ. Таго матедеви. Кись марявсь Витянень кувакакс. «Зяро жо кадовсь ардомс?» - арсесь Кафтайкин. Аламо таркань ардозь асфальтонь кинть лангсто автобусось велявть веленть пелев, ардсь малав кеменьшка вайгельбеть, валгсь пандонть алов, сыргась виде киява. Веле пе. Вальмань пачк неяви, кудотне мельга-мельцек чинть вейкесь омбоценть мельга. Тесэ вана чувтонь кудо. Теяк чувтонь, ансяк ташто. А вана те якстере векень. Вана микшнемань кудо… Автобусонь пачкодсь велень куншкас. Ардыцятне кармасть лисеме. Витя тагояк матедевкшнесь, ансяк неень лоткамонть марто кода-бути стясь пелемань пачк, мик скокадезевсь, абунгадсь, мекс лоткась автобусонь.
Варштась вальмаванть. Ушосонть эйсэнзэ учось Вова. Кафтайкин лиссь меельцекс. Апаро варштавкссо лангозонзо варштась эчке кондукторось. Кафтайкин шумбракстнесь оянзо марто. Цёратне аламос кортасть ды састыне сыргасть Вовань кудо ёнов. Мольсть комсешка минутат. Вана Вовань кудось – как. Покш, мазый, ашо кевень, вальматнеяк цитнить чинть кармо. А уш ванькс пиресэнть кодат ансяк эмежть арасть: чурькат, якстерькайть, куярт… Сельгетькак туить лангозост ванозь… Тия–тува якстере цецят.
Совасть. Валентина Николаевна – Вовань авазо, лембестэ вастынзэ цёратнень. Вова невтизе ялганстэнь кудопотмонзо ды невтизе удомань тарканть. Паро. Витя путызе раужо пакетэнзэ. Таргизе зепстэнзэ телефононзо… Ды мень тамаша. Студенческой билетэсь ёмась. «Ужо, ужо», - арсесь Витя. – Паряк, пакетс прась. Арась. Пакетсэяк арась. Мезе ней теема?» Оштё весть штюпинзе зепензэ, ваннызе пакетэнзэ. Арась. Цёрантень кармась апаро. Истямось мартонзо зярдояк эзь вастневе эрямосонть. Кафтайкин лецтнесь школасо тонавтнеманзо: бути стувтнесь кудосо ручка эли жо книга, эли жо оштё мезеяк, теевкшнесь кода-бути апаро. Кода истя лиссь? Ды нейгак тонавтницянтень кармась кода-бути аволь эсензэ ладсо.
- Ужо, ужо, билетэсь зепсэнь эдь ульнесь. Автобуссо. – лецтнесь цёрась. – Паряк, салызь зярдо удынь? Мезякс? Мезекс?! А чарькодян. Вай! – Кафтайкин мик рангстазевсь.
- Мезе, мезе теевсь? – чийсть Валентина Николаевна ды Вова. – Мезе мартот?
Студенческоем ёмась, - тарнозь вайгельсэ мерсь Витя. – Вана, зепстэм таргизь, автобусо.
- Витя, парсте ваннык? – кевкстизе Валентина Николаевна.
- Да.
- Паряк, прась зепстэть…
- Паряк, а содан. Матедевинь. Стинь аламо шкань ютазь. Весе лиссть, монгак лисинь. Седе мейле тыненк сынь. Варштыя зепстэм, арась.
- Иля пеле. Нейке жо гайгстан вокзалов. Ёвтан ёмамодонть. Паряк муеви.
- Да кода а пелемс, Валя патяй. Те билетэнть потсо ульнесть ардтнемань (проездной) конёв, карточка, ков эрьва ковсто сыть стипендиянь ярмактне, флюрографиянь коряс справкась, СИСЕМСЯДТ ЦЕЛКОВОЙТЬ… Вай! Вай Нишкепаз, - Кафтайкин кавто кедьсэ кундызе прянзо. – Деканатсо тень кисэ яжасамизь! Паньсамизь! А бути кармить содамо…
- Витя, Витя. Весе карми вадря.
Витя юхадсь прясонзо. Ялатеке ве таркасо эзь аштеве.
- Паряк, велявтсы кияк… Ярмактне… Кадык эно… Сынь а эрявитькак. А вана лиясь…
Валентина Николаевна гайгстась вокзалов. Тосо мерсть, автобусось оштё эзь са.
- Адядо ярсамо, - тердинзе сон цёратнень.
Витя ярсаськак аламо. Коршнесь чайде ды сыргась тарка лангс. А кемеви вана цёрантень, што истя лиссь… Эзь фатяяк, кода матедевсь. Стясь аламо шкань ютазь. Кармась лездамо Вованень: кандтнесь ведь шлямо кудов, вачксесь пенгть.
- Адя омбоце рейсэнть вастсынек, - пшкадсь Кафтайкин оянстэнь.
- Адя. Ансяк шказо аламнеде позда, - макссь кармо вал Вова. – Бути чийтяно, паряк, кенертяно.
Вансынек, куляткак меньгак кармить.
Вете минутас цёратне чиезь ношкстасть велень куншкав. Автобусось пешксель ломанде. Туекшнось уш. Тесэ ки-бути неинзе цёратнень чиемаст ды энялдсь ветицянть лоткамодо. Витят – Воват стакасто лексить. Панжовсть кенкштне. Тагояк Витянь лангс варштась эчке кондукторось. Цёрась ёвтнизе зыянонть. Билетэнь микшницясь вансь-вансь лангозонзо. Неявсь, мезде-бути арсесь. Те а стяко.
- Вана те штоли? – кевкстинзе сон цёратнень.
- Те! Те! Сюкпря покш тыненк! – бажась саемс аванть кедьстэ билетэнзэ Кафтайкин.
- Ков?! Од ломанть. Азёдо… Кандодо тень литра ашо, сестэ оштё арсян… Максан тенк вете минутат, ванодо тынсь…
Цёратне тагояк бажасть вешемс билетэнть, но те мезеяк эзь максо. Сесте Витят–Воват ношкстасть малавикс микшнема кудонтень, косо важодсь Вовань патязо. Сон макссь цёратненень литра ашо, конань питнезэ кавтосядт целковойть. Цёратне эристэ чийсть автобусонть малас.
- Максынк уш, инескеть, миненек ве суликадо, - энялдсь Вова эчкентень.
- Мезе?!
Тагояк автобусось раказевсь. Весе ваныть, мезе карми улеме седе тов, мейсэ прядови тевесь.
- Саинк, кирдеде эсь винанк, - мерсь Витя ды венстинзе сумкатнень.
Эчке авась ёртызе ней аламодо сезнезь билетэнть цёранть пелев. Мерсь, келя, теде башка, автобусось ардтни ошова эсь маршрутонь коряс. Те билетэнть муизе озамо таркасто мень-бути цёра ды максызеяк кондукторонтень. Мерсь, меньгак ярмакт потсонзо арасельть… Кенштне пекставсть, автобусось сыргась таркастонзо.
Кафтайкин варштызе билетэнть. Карточкась тосо, ардтнемань конёвось тосо. Весе тосо. Ансяк ярмактне арасть. Вадря хоть истя прядовсь тевесь. Кавто ашо суликатненьгак максомс тень кисэ а жаль. Седейсэнть паро. Паро. А кемевияк, што весе те прядовсь истя вадрясто. Витя ёвтась сюкпря ялганть туртов. Ярмактнень велявтынзе секе чистэ.
Практиканть цёратне ютызь парсте. Пурнасть ламо морот, ёвкст, нурька морот, лайшемат, пеедькшнемат… Шкась ливтясь бойкасто.
…Ней Витят–Воват тонавтнить меельце ветеце курссо. Ветес. Шныть эйсэст. Паро тонавтыцякс кармить. Ялатеке ютазь иетнень перть свал леди киньгак мельс билетэнь ёмамодо тевесь. Лиясто путы кияк эйстэст студенческоенть потс ярмак, ансяк сядошка целковойде аволь ламо. Пелить ёмамодонть. Вана истяяк эрси эрямосонть.
Виктор Кафтайкин – студент. Это высокий, сильный и умный парень. После окончания школы он решил продолжить учёбу на филологическом факультете Мордовского госуниверситета. Кафтайкин любил читать мордовских, русских и зарубежных писателей. Знал стихотворения, рассказы, басни… Вот поэтому он стремился расширить свои знания в университете. После сдачи вступительных экзаменов примерно через месяц парень узнал о зачислении в вуз. Он очень обрадовался. Это был самый счастливый день в его жизни. Виктор размышлял: «Будет трудно. А как же? Там преподают доценты и профессора. Это очень умные люди. Они стремятся вызвать интерес к учёбе, расширить знания студентов, вырастить будущих педагогов… Вон, Иринка с верхней улицы, третий год там учится. На «отлично». Хвалят её… А, может, и я так буду учиться? Придётся нелегко… ».
И действительно, первый учебный год прошёл тяжело. Рука после огромного количества лекций уставала, не успевала. «Сюда и ста рук не хватит»,- рассуждал парень. Но все же с неимоверными усилиями приходилось успевать. Потихоньку всё становилось на свои места. Так был сделан первый шаг… Зимнюю и летнюю сессию Кафтайкин сдал на «отлично». За год Виктор познакомился со многими студентами, среди которых был и Вовка, с которым Виктор учился в одной группе. Они стали неразлучными друзьями. Учёба у них всегда на первом месте. Вот так незаметно пролетел первый учебный год. Кроме этого, в течение двух недель студентам требовалось пройти фольклорную практику: собирать песни, сказки, легенды, плачи…
…Настало лето. Жаркие дни всю неделю раскаливали землю. На небе ни одной тучи. Лишь изредка дул ветерок. В эту пору только купаться ходить… Целую неделю Кафтайкин находился в деревне. Предстояло ехать в другое село, где жил преподаватель, туда, где ждал его друг Вовка. У него Виктор будет жить. И тут с Виктором произошла небольшая беда, заставившая его всерьёз задуматься о своей невнимательности. А всё начиналось неплохо…
Утром Виктор направился на городской автовокзал. Одет он во всё белое: белая рубашка, белые штаны, летние сандалии, и те белые. В одной руке чёрный пакет, в котором собрана летняя одежда. Кафтайкин подошёл к кассе, поздоровался с кассиром, купил билет, направился к платформе. «Двадцатое место», - произнёс парень. – «Отлично. Может, и поспать удастся». Ехать около пятидесяти километров. Так как село было маленькое, автобус ездил только по субботам и воскресеньям, и как всегда, был полон. Пассажиры ехали в своё село: кто-то к родителям, кто-то к друзьям, кто-то туда-обратно… Виктор ехал на практику. На своём двадцатом месте. Иногда он проверял карманы, в которых были телефон и студенческий билет. Парню не спалось. Он часто зевал и протирал глаза. Прислонив голову к окну, всё время о чём-то думал. Размышлял он и об учёбе: да-а, год пролетел незаметно. Тут Виктор вспомнил Вовку, с которым в течение года они крепко сдружились, и который за это время стал ему как брат. Вспомнилась и последняя проведённая в селе неделя, походы на речку, уха, сваренная на костре… Заснёт Кафтайкин минут на пять, и когда автобус останавливается, Виктор сразу же открывает глаза. Взглянет на стоящих пассажиров, которые также смотрят на него. Взглянет на толстого кондуктора, который считает деньги. Посмотрит в окно, в котором открывается красивый пейзаж на сосновый лес. Посмотрит на свой пакет. Проверит карманы. Опять заснёт. Дорога кажется длинной. «Да сколько же ещё осталось?», - думал Виктор. Немного проехав, автобус повернул в сторону села, проехал километров десять, спустился под гору, выехал на прямую. Начало деревни. Дома выстроились в один ряд, и как будто бегут друг за другом. Вот деревянный дом. И этот деревянный, только старый. А этот кирпичный. А чуть дальше магазин… Автобус завершил свой маршрут, остановившись в центре села. Пассажиры один за другим выходили из автобуса. Виктор в очередной раз заснул, но в этот раз, когда автобус остановился надолго, не так, как обычно, парень вскочил, недоумевая, почему автобус не движется. Парень посмотрел в окно. На улице ждал его Вова. Кафтайкин вышел последним. Кондуктор бросила на него острый взгляд. Кафтайкин поздоровался со своим другом. Ребята немного поговорили и тихонько направились к Вовке. Шли около двадцати минут. Вот Вовкин дом. Большой, красивый, белокаменный. А уж в огороде чего только не растёт: лук, свёкла, огурцы… Даже слюнки текут, глядя на них… Огород украшают астры и тюльпаны.
…Вошли в дом. Валентина Николаевна – мать Вовы, тепло встретила ребят. Вова, в свою очередь, показал другу дом, и указал на кровать. Прекрасно. Виктор положил свой пакет. Вытащил из кармана телефон… Да что такое?! СТУДЕНЧЕСКИЙ БИЛЕТ ПРОПАЛ. «Наверное, в пакет выпал»,- размышлял Витя.- «Да нет, нет его в пакете. Нет… Что же теперь делать?». Виктор ещё раз проверил свои карманы. Ничего нет. Такого с ним никогда ещё не было. Тут Кафтайкин вспомнил свои школьные годы: если он забывал дома ручку или же книгу или же ещё что-то, становилось как-то не по себе. Да как такое вообще могло произойти?!
-Так… так… билет был в кармане. Я ехал в автобусе. – пытался вспомнить пострадавший. – Может его украли, когда я спал? Зачем? Зачем?! Не понимаю. О-о-й! – выкрикнул Кафтайкин и взялся за голову.
-Что случилось?- на крик Кафтайкина прибежали Валентина Николаевна и Вова. – Что с тобой?
- Я студенческий потерял,- дрожащим голосом произнёс Витя. – Наверно, в автобусе украли.
-А ты хорошо всё проверил?- спросила Валентина Николаевна.
-Да.
-А может, он выпал…
-Может быть. Не знаю. Я заснул. Проснулся через некоторое время. Все вышли, и я вышел. Потом пришёл к вам. Проверил карманы, ничего нет.
-Не волнуйся. Я сейчас же позвоню на автовокзал. Сообщу о пропаже. Может, и найдётся.
-Да как не волноваться, тётя Валя. Ведь в этом билете были ещё проездной билет, карточка, на которую начислялась стипендия, флюорографическая справка, СЕМЬСОТ РУБЛЕЙ… Ой! Ой, Нишкепаз,- Кафтайкин снова схватился за голову. – В деканате за это отругают! Выгонят! А если узнают родители…
-Витя, Витя, всё будет хорошо.
Виктор утвердительно кивнул головой. Но всё равно в душе оставалось некоторое опасение.
-Может, кто-то вернёт… А деньги… Бог с ними… Они и не так уж важны. А вот всё остальное…
В это время Валентина Николаевна позвонила на автовокзал. Там ответили, что автобус ещё не прибыл.
-Пойдемте обедать,- позвала хозяйка ребят.
Виктор поел совсем немного. Выпил чаю и прилег на кровать. Даже не верилось, что такое могло произойти с ним… Он и сам не заметил как заснул. Проснулся через часа два. Начал помогать Вове: носить в баню воды, складывать дрова.
-Пойдем второй рейс встретим,- позвал Кафтайкин друга.
-Пойдем. Только не опоздать бы,- ответил Вова.- Если поторопимся, то успеем. Посмотрим, может, что-нибудь и прояснится.
За пять минут ребята добежали до центра. Автобус был полон. Тронулся уже… Вдруг кто-то из пассажиров увидел спешащих парней и попросил водителя остановить автобус. Запыхавшиеся ребята подбежали к дверям. Злые глаза толстого кондуктора вновь посмотрели на Виктора. Парень рассказал о пропаже. Кондуктор долго смотрела на него. Было заметно, что о чём-то размышляет, что-то продумывает, высчитывает… Это не просто так.
-Вот этот что ли? – спросила она ребят.
-Да! Да! Вот он, мой билет! Спасибо Вам большое! – Кафтайкин потянулся к студенческому билету.
-Куууда, парень?! Идите… Достаньте мне литр водки, хоть из под земли. Тогда и подумаем… Даю вам пять минут. Время пошло-о-о-о…
Автобус захохотал.
Витя ещё раз попросил кондуктора вернуть свой билет, но это ничего не дало. Тогда ребята рванули в ближайший магазин, в котором работала тётка Вовы. Она одолжила им требуемые две бутылки водки, которые стоили ни много ни мало двести рублей. Друзья побежали к автобусу.
-Может, отдадите нам за пол-литра… - хотел уговорить кондуктора Вова.
-Чего-о-о-о?!
Автобус опять захохотал. Все с интересом наблюдают, что же будет дальше, чем закончится дело.
-Держите своё вино,- произнёс Виктор и протянул бутылки.
Толстая женщина кинула в сторону ребят тот долгожданный студенческий. Сказала, что кроме пригородных и междугородних рейсов, автобус ещё и ездит по городу по своему маршруту. Якобы, билет обнаружил пассажир, ехавший в то время в маршрутке. Он и передал его кондуктору. А она сказала, что никаких денег там не было… Двери закрылись, и автобус наконец-то тронулся со своего места.
Кафтайкин проверил билет. Карточка на месте, проездной на месте. Всё на месте. Только денег нет. Хорошо то, что хорошо кончается. После такого и двух бутылок не жаль отдавать. На сердце хорошо. Хорошо. Даже и не верится, что всё так удачно закончилось. Виктор поблагодарил Вовку за то, что он ему очень помог. Деньги за водку возвратил в тот же день.
Практику ребята прошли успешно. Собрали много песен, сказок, частушек, плачей, анекдотов… Время пролетело незаметно.
… Теперь Витя и Вова уже пятикурсники. Отличники. Хвалят их. Хорошими учителями будут. Но иногда ребята всё же вспоминают этот случай с пропажей билета. Редко кто из них кладёт деньги в студенческий. А если кто и кладёт, то сразу всё вспоминается. И такое в жизни бывает.
Перевод автора
Назад в раздел
