Лийын шучко саман. Тушман капыр
Тудым йыр авырен да ишен.
Но садак ыш сукал марий патыр,
Вўржє веле шем мландыш витен.
Тиде вўр гыч у тукым кынелын,
Кече дек мелын лийын чурий.
Чытен лектын чыла йєсє-нелым,
Пытараш шкенжым ыш пу марий!
Толмо корныжым сай томсык йўрла
Нерештарыш саманын куат.
Тудын тале орваж гычын кўрлын
Корно тўрыш ыш код марият.
Луктын огыл нимо тудын єртым,
Умылен: акыл сотышто – вий.
Шинчымаш дек кавашкыла нєлтын,
Йомдараш шкенжым ыш пу марий!
Шўмжє лишке ыш кондо осалым.
Уло вийын кычкалтын пашаш,
Озырканым, пуламырым, сарым –
Адакат чыла перныш чыташ.
Пиал киндыжак лач чытымаште,
Тудын дечын кугужо от лий.
Серыпан моло калык коклаште
Шкенжым пе‰гыдын кучыш марий!
Уло йылмыже, мурыжо, чонжо.
Но шижат – иземеш чылажат.
У саман, тупела веле чо‰ышо,
Шкенжын вийжым тушка тудланат.
Угыч ончыкто: тый улат патыр,
Кугезетлан ўшанле тый лий.
Курымешлан йомаш огыл манын,
Шкендым шке ит йомдаре, марий!
Назад в раздел
