Ӱэлӓн ода (Ода иве)

Ӱэн шанымашвлӓжӹ укшвлӓжӹ ганьы кӱшнӹ,
нӹнӹм ынгылаш мӓлӓннӓ, эдемвлӓлӓн, нелӹ.
Уэн ӹлӹштӓшӹжӹ – кужы йӹлгӹжшӹ ӱпшӹ,
ӱэн кымылжы – ӹдӹрӓмӓшӹн кымыл,
ышыжы – пӱэргӹн, пу эргӹн.
Важшы келгӹ.
-Ӱэм шӹндӓш келеш,
каремвлӓнӓм перегӓш,
ӹнжӹштӹ уреп –
первиок тьотивлӓнӓ тенге попенӹт.
Тӹдӹн важшы куштылгын рок кӧргӹш пыра,
ӹлӹштӓшӹжӹ пӹсӹн лӓктеш,
эдемвлӓм перегӹшӹ амаш лиэш.
Ӱэ – рокыш шагалтымы проста мӓнгӹ агыл.
Тӹдӹ пачылтеш мӹлӓнем Йымы ганьы.
Лӹвӓкӹжӹ тол дӓ амалал кӹжгӹ, рӹпшӹшӹ укшвлӓ лӹвӓлнӹ.
Ӱэ ум канден кердеш тӹлӓнет,
кыдым кӹшӓнӹшкет пиштӓш ак ли,
йӓнгешет вазеш, вуетӹм ладнангдара.
Тӹлӓнет ӱэ тӹнӓм ӹшке ши корныжым пачеш.
Тӹдӹ мычкы тӹньӹ анзыкыла ашкед!

 Мысли у ивы высоки, как ее ветви,
нам, людям, постигнуть их нелегко.
Листья ивы – ее длинные шелковистые волосы,
душа ивы – душа женщины,
Разум – мужской, сына дерева.
Корни ее – в глубине.
-Нужно сажать иву,
беречь овраги,
чтобы не рушились-
давно говорили об этом деды.
Ее корни легко проникают в землю,
листья раскрываются спешно
и превращаются в оберегающий людей шатер.
Ива – это не простой столб, поставленный в землю.
Она раскрывается предо мной, как Бог.
Приди к ней и усни под крепкими, убаюкивающими ветвями.
Ива может внести в твою жизнь новизну,
Такое, что в карман не положишь,
на сердце ляжет, голову успокоит.
Тебе ива тогда откроет свою серебряную дорогу.
Ты по ней и иди вперед.