Сьылöм

Кывтан–Катан ёльлöн берег дорын
Медводдзаысь сьылі соль-мажорын.
Чибльöг сорöн кирган гöлöс восьті.
Сöстöм ёльлысь шыладсö тай босьті.
Катанаръяс песовтчисны шорын:
- Кылан, мортыс сьылö соль-мажорын!
Пыстаяслöн паськалісны вомъяс.
Серавлісны пöрысьяс и томъяс.
Вильыш нырсö мыччис визяорда.
Тыкöлаын шысö сетіс горда.
…Висьталіс мем сюзьлöн кöдзыд синмыс:
Менам сьылöм некодлы эз инмы.

Назад в раздел