Лиана и дуб

Лиана, мича коръяса да вöсньыд,
Ён дубкöд орччöн сатшкис муö вуж
И шуис: тэнö сывйыштны ме кöсъя,
Öд нэр ме – öткöн сулавны ог куж.

И мöдiс вывлань гартчыны пу гöгöр.
Дуб лои сывйын, лолыштны оз позь,
Но любуйтчисны весиг медся стрöгъяс:
Со, томулов, примерсö кодлысь босьт!

Кытш бöрся кытш – лиана зiлис овны,
Дуб косьмис сывйын (кутшöм таын шуд?),
Но кодыр ловсö сетны весиг ковмис,
Дзик некод сiйöс кывзыны эз кут.

Дуб уси ратш, лиана уси сыкöд,
А эз öд овны кыдзисюрö, зыкын…
И лои ставлы гöгöрвотöм сiдз.
Но кодсюрöяс бызгöны нин танi:
Ак, мучитчöма кутшöма лиана,
Со – дубыс, вöлöм, вылысöдзыс сiсь!

Назад в раздел