Гижны эськö кывбур

Гижны эськö кывбур,
Медым вöлі лысва войт кодь,
Медым енэжöдзыс лыбис,
Медым вöлі сöстöм мойд кодь.

Гижны эськö сьыланкывсö
Асъя рулысь, зумыш козлысь,
Босьтны эськö мен пöсь кывсö
Бипур рöма пелысь розлысь.

Корсьны эськö сэтшöм кывъяс,
Медым йиджис сьöлöм-вирад.
Войвыв вöрлöн пожöм йывъяс,
Гашкö, найö тіян сирад?

Гашкö, сэтшöм кывъяс эмöсь
Векни вöрса ордым вылас?
Гашкö, мыръяс бокас, сэнöсь,
Кöні йöлöгаыс кылö?

Сійöс тöвруыслысь кора —
Мыла мича сьыланкывсö,
Медым войвыв юяс дорас
Коми войтыр сійöс кывзö.

Назад в раздел