Лунъя-рытъя
Сöстöм, визув юыс
Поньталöма поскöн.
Орччöн эжöр туö,
Верстьö мортлы коскöдз.
Вуджам мöдлапöлас,
Дзоридз пöвстас сунам.
Гежöда тай вöвлö
Татшöм мича луныс.
Мый нö сюва-сява
Пышйö дарга-ёскыс?
Шöпкöдчö Ведява,
Лов да сьöлöм косьтысь.
Муса зонмöй, кылан,
Поскöдыс эн ветлы.
Кодыр кусö кыа,
Сiйö васьыс петö.
Мойдчöмсö эн кывзы
(Лöсьыда öд мойдö!)
Колипъяслöн сьывсис...
Босьтчö чизыр вой тöв...
Перевод опубликован в сборнике "Льöм ю: кывбуръяс, вуджöдöмъяс"
Назад в раздел
|