Мамö...

Некор, некор тэ он вун.
Тэнсьыд шуöм
Музыка моз кывза.
Мелi сёрни юргö кö быд лун,
Сьöлöм бердад босьтан тайö кывсö.

Но со вошö,
Вошö чужан кыв,
Ыджыд карын шоча сiйöс кывлан,
Рочасьöны гöгöр зон да ныв,
Гажтöмалö ас кывтöг и ывла.

Сибöдчыны вужъяслань, но кыдз?
Чужан муным отсалас на, гашкö...
Нöрыс йылын югыд, мича кыдз
Оз тöд кодлы,
Век на ассьыс вашкö.

Мукöд кывъяс кедзовтны ог кут.
Быдöн ас ног колана и дона.
И мем уси, чайта, ыджыд шуд:
Ас му вылын
Ас кылаöн лоны.

Перевод опубликован в сборнике "Льöм ю: кывбуръяс, вуджöдöмъяс"

Назад в раздел