Цыпанов Й. Удмурт кыввор да лыддянкуд
Цыпанов Й. Удмурт кыввор да лыддянкуд. — «Кола» небог лэдзанiн ВАК, Сыктывкар, 2007. — 208 л.б.
Удмурт кыв комилы медся матыс, медся гöгöрвоана фин-угор кыв. Тайö небöгыслöн могыс кык — туялана да велöдана. Удмурт кыв велöдны да туявны босьтчысьлы сетöма удмурт-коми орччöдана кывкуд, сэтчö пыртöма медся бергалана кывворсö — 3 сюрсысь неуна унджык юркыв уна серпасалана видлöг содталöмöн (кывтэчасъяс, сёрникузяяс, зумыд шуöмъяс, кывйöз-шусьöг да нöдкывъяс). Комиöдöм видлöгъясысь тыр-бура тыдалö комилы медордвуж удмурт кывлöн аслыспöлöслуныс: öткодьыс да торъяланаыс. Кывкуд дорö содтöма тшöтш неыджыд удмурт лыддянкуд да граматика инасысь колана юöръяс. Небöгсб урчитöма перым кывъяс туялысьлы, вылыс велöдчанiнын велöдысь да студентлы, коми кыв быд пыдди пуктысьлы. Ковтöм оз ло кывкудйыс тшöтш шор школаын коми кыв велöдысьлы торъя темаяс велöдiгöн, быдсяма ордйысьöмъяс нубдiгöн. Тайö уджнас кокниа позяс вöдитчыны и удмуртъяскöд сёрнитiгöн, налысь фольклор да серпаса литература лыддиг-вуджöдiгöн.
Назад в раздел
|