Сыра мальнгаӈа яндаха”на ӈэда идкоця салабаӈэ хэсьты. Хусувэй по Захарко не нянда ня тикым’ маниесьты. И” хурка юнуй ӈэсьты, хурка та’ ӈэсьты – ӈацекэхэ’ сававна торомдавыхы’.
Теда ӈани сыра мальӈгана салабада варци ӈадись, саць салъясь. Нисяди тубкахана тикы салабам’ сюртявна тахабтавысь. Тикы пумна мал не салабахана сертавы сийхад идм’ ӈэсян’ сопсеты.
Ӈоб” мэва ӈацекэхэ’, Захарко Сандранда ня тикы сий хэвхана вадакосавэй ӈамдё хаяха’. Тарем’ понко ӈамдыхы’. Мерця сырам’ салабавна валакада пу”ларамба пя. Пэвсюмбняю мале хая. Небяди’токухуюн’ ӈоб” мэва мале хаӈась. Мярёй мальтятана тамна тикы сий хэвхана ӈамдыхы’.
- Ӈацекэхэ’ ӈамгэ тарем’ пон’ пихина мэӈаха’? – Нисяди юнра.
- Луцядарев халям’ хадабихи’, мале хаӈамась, нян’ инзелеван’ нихи’ харва. Хонаранакэхэ’. Идм’ хосаясь хантам’. - Ид ӈэсяха мэб, то’ хэван’ небяди’ хая.
- Сяӈок халям’ хадади’?
- Ӈамгэхэрт яӈгу. Ся”ня халя тебӈгу? Луця тарем’ халяком’ ӈули сававна хадабись. Ӈамгэ е”эмня халя теда еся’ тебм’ волтамби? Тець ӈэдакы.
- Хуняна ӈани тутади’, теда пэвсюмбӈэ хая, мят’ хэван’ ёльцьда то. Ханимдади’. Хэхэва”.- Хэхэва”. Сандрако, хуняна ӈани тюкон’ тутани’.
Поздней осенью вся вода превращается в лёд. Элько с Сандрой это наблюдали ежегодно. Какой бывает вода ранней весной, какой летом, - оба малыша хорошо усвоили.
Однажды Сандра с товарищем осталась возле проруби со своими самодельными удочками, они решили затеять подлёдный лов.
Опустив в прорубь верёвочки с загнутым гвоздём вместо крючка, они долго ждали клёва. Наступили сумерки, ветер стал мести снег по льду. Матери их уже звали в чум, но хотелось всё же пойти в чум с уловом, ведь отцы всегда приносили рыбу, а рыба по какой-то причине не клевала.
- Почему дети так долго находятся на улице? – спросил Семён.
- Как приезжие рыбаки, рыбу ловят, уже звала их, да не трогаются с места. Заснули, что ли? Пойду, схожу за водой.
Взяв вёдра, Марья направилась к проруби.
- Сколько рыбы поймали?
- Ничего не поймали. Когда же рыба попадётся? Приезжий рыболов хорошо ловил рыбу, и папе всегда она попадается. А нам не везёт. Может, ей холодно и ушла спать?
- Завтра опять придёте, может, папа вам сделает хороший крючок. Я суп сварила, кушать собираемся, пойдёмте, дети.
- Пойдёмте. Сандра, завтра снова придём.
Перевод автора
Назад в раздел
