На главную страницу
Отправить сообщение
Карта сайта

Закрыть
Логин:
Пароль:
Забыли свой пароль?
Регистрация
 Войти  Регистрация

Филиал ГРДНТ им. В.Д. Поленова
"Финно-угорский культурный центр
Российской Федерации"













Календарь

Палыме лийза: мурызо Эчан! (на марийском языке)

Палыме лийза: мурызо Эчан! (на марийском языке) 08.05.2008 15:12

Марий самырык театрын артистше Александр Кожевниковым эше мурызо Эчан семын палат. Тудын вўдымє передачылажым «Марий Эл радиошто» изижат, кугужат колыштыт. Кундемна мучко «Мурызо Эчанын хит-парадше, «Марий географий» чапланен шуктеныт. Садланак Сашан ты сомылым шуктымыжым кўкшын акленыт, «Марий Эл радион» коллективше гыч Олык Ипай лўмеш молодежный премийым налше вич ен коклаште тудат палемдалтын.

Пытартыш жапыште Сашан артист карьерыже кўшкє нєлталтын. Тудо ты тургымышто З.Долгован «Висвис пушан орлыкем» драмыштыже кандаш ияш Ольошын рольжым устан модо. Тидымак пенгыдемда Марий Элысе тўвыра, печать да национальность паша шотышто министерствын ты образым чонымылан пуымо чапкагазше. Тунам ончаш толшо кажне ен шинчавўдым ўштыл шинчен, вет Саша тулык рвезым чынже денак келгын келыштарен. Тиде образыш пураш артистлан уло шўм-чонжо дене шочмо аважым шинчавўд йєре шарналташыже верештын. Вет ачаж ден аваже Александрын изиж годымак ты тўня дене черланен чеверласеныт. (Ачаже ондак комбикормам ямдылыше заводышто операторлан пашам ыштен, аваже – кассирлан.) А кызыт тудо шочмо У Торъял районысо Тошто Торъялжым, Кўшыл мучашыжым, ончен куштышо, уш-акылым шындаш полшышо ковайжым шарналтен ила.

Тўрлє вере шкем ончыктышо, танасыше да ончыл верлам налше классыште шинчымашым погымыжлан тачат таум каласа. Конкурсышто ма фестивальыште рвезе усталыкшым ончыкташ йєратен. Пу совла дене шоктышо, мурышо, куштышо ансамбльлашке, театр кружокышко кумылын коштын.

Шочмо верысе 9-ше классым тунем пытарен, Йошкар-Оласе тўвыра да сымыктыш колледжын театр отделенийышкыже каяш шона. Но ты ийын тыгай пєлкашке огыт нал улмаш. Адакат ик ийым Тошто Торъял школышто эртара да 11 классыш кайыме олмеш корныжым колледжыш виктара. Тунемме шотышто моло деч ойыртемалтын огыл гынат, артист лияш шонымашыжым шўм-чоныштыжо ашна да кажне йолтошкалтышыштыже тидлан ўшана. Колледжын икымше курсыштыжо тунам М.Шкетан лўмеш Марий национальный театрын художественный вуйлатышыже В.А.Пектеев туныктен. Туддеч вара ты сомылым О.Г. Иркабаев шукташ тўналын. Кокымшо курс гычак студент-влак Марий самырык театрыш коштыныт, актёр-влакын модмыштым онченыт, шкештат массовкылаште участвоватленыт. Икымше гана кугу сценыш «Шем оржан ош поран» (В.Абукаев-Эмгак) спектакльыште ия иге семын лектын. Вара «Мый ом суко садак» (Г.Гордеев) трилогийыштат тўшка дене пырля модын.
Тунеммыж годымак ик тўн рольым, Костям - «Куп, але Кўрышталтын йонга сўан сем» (Г.Гордеев) драмыштыже – келыштарен. А вара Марий самырык театрыш изи капан Сашамат налыныт. Кызыт шкеже марла модмо роль кокла гыч таче изи Ольошым йєратен шынденам манеш. А руш классикыште «Гроза» спектакльыште (А.Островский) Тихонын рольжым эн сайын чонен кертме образлан шотла.

Саша Кожевников «Марий Эл радиошто» икымше кече гыч тыршыме, Марий самырык театрыште нылымше тургым артист сомылым шуктымо деч посна концертлам вўда, тыгак мурылам шергылтара. «Но ты шотышто эше мыланем кушман да кушман. Чылажымат таче мый актёрын шинчымашыж дене ыштем: калык дене мутланем, марла чаткан кутыраш тунемам. Сандене, илен-толын, шинчымашым келгемдыме, тўняумылымашым кумдандыме шот дене умбакыже театральный кўшыл заведенийыш тунемаш пураш шонем», - каласыш артист.

Колледжыште тунеммыж годымак Татарстан кундемысе Агрыз район гыч шкеж гаяк шем куляш ўпан Катям йєратен шынден да ешым поген. Пелашыже «Плёс» фирмыште администраторлан тырша. Ныл ияш Эльзам куштат. Удырышт Сашан диплом налме кечынже, 22 июньышто, шочын. Ты кече ешлан кок кугу куаным конден. Кызыт Эльза Татарстанысе коваж дене ила, йоча садышке коштеш.

А ончыгече, 30 апрельыште, Саша армийыш каяш повесткым налын. Ынде тудлан куштен-мурымо йылгыжше ботинкыжым кирзе кем дене вашталтыман. Кызыт тудын чонжо армий радамыште ик ий служитлен толмо нерген вургыжеш.

Автор:  Эльвира Ендылетова
Источник:  Газета "Кугарня" (Республика Марий Эл) от 2 мая 2008 года

Возврат к списку



Ваше имя:  
Ваш E-Mail:  
Введите Ваше сообщение

Смайлики
Широкая улыбка  С улыбкой  Печально 
Удивленно  Здорово  Поцелуй 
Смущенно  Очень грустно  Овации 
Восклицание  Идея  Смех 
Улыбка  Друзья  Kisss 
Так держать  Въедливый читатель  Застрелюсь 
Игрок  Помогите!  Гнев накипает 
Тормоз  Щас как позвоню!  Так писать нельзя 
А мне так весело!  Дикий восторг  Почта пришла! 
Давай дружить  Примите скромный знак признательности  Всегда готов! 
Где беда? Лечу на помощь!  Расскажи мне правду, ромашечка...  И всё хорошо! И жизнь хороша! 
Ай да я и молодец!  Сдаюсь!!!  До скорой встречи! 
Здорово 

Закрыть все теги
Открытые тэги:    

Для того чтобы вставить цитату с этой страницы, выделите её и нажмите на ссылку "Цитировать".
 Вы хотите разрешить смайлики в этом сообщении?

Загрузить изображение для этого сообщения


Защита от автоматических сообщений:
Подтвердите, что вы не робот: 
Защита от автоматических сообщений






Календарь праздников
28
сентября
2022














Документы



Фотоальбом





Главная | Новости | ФУКЦ РФ | Сообщество
Сайт находится в стадии информационного наполнения.
Ваши замечания и пожелания Вы можете оставить здесь.



Республика Коми, г.Сыктывкар, ул. Ленина, д. 73,
тел./факс (8212) 440-340,
e-mail: [email protected]