Приветствие VII Съезду финно-угорских народов

ФИННЭНЬ-УГРАНЬ РАСЬКЕТНЕНЬ VII-ЦЕ СЪЕЗДЭНТЕНЬ ПАРОНЬ АРСЕМАТ

Шумбрат уледе, вечкевикс Саран ошонь эрицят ды инжеть, Весероссиянь финнэнь-угрань VII-це Съездэв васолдонь сыцят! Шумбрачи арсить тенк тесэнь эрзятне ды мокшотне. Минек туртов эрьвась эйстэнк пек питней.

Минь ламосо явовтано вейке вейкеде, ансяк вейсэндицясь ютксонок седе ламо. Те Съездэськак – минек ёно, минек кисэ – сон пурнымизь вейс, прок вейке кудораськенть. Мельстуиця вастомадонть мейле карми молеме вейсэнь покш тев пек талновтыця кевкстематнень коряс. Ультяно цидярдыцят ды кеметь. Карматано кортамо стакачитнеде, вейке вейкень чарькодезь. Сайсынек эсенек туртов одонть, сехте эрявиксэнть.

Кадык гайги тиринь келесь течи ды свал! Марявозо минек кургсто ды эйкакшонок кургсто. Кода эрзянь ломань энялдан: ванстынк тиринь келенк, максынк эйденк туртов! Келесь – юронь юр. Ды ёвтнеде тенст эсь раськеденть, кона макссь модамасторонтень аволь аламо ине ломанть. Ине ломантне, конат лиссть раськестэть – те раштый мода, раськень каштанчинь кастома юрт. Эрьвась бажи печтямс каштанчи эсь раськензэ кувалма! Бути ушодомс, кувать карми эрявомо ёвтнемс сеть ломантнеде, конатнень чачтынзе минек раськесь ды конат тейсть аёвтавикс покш путовкс россиянь историянтень, наукантень, культурантень.

Эрзянь келенть марто кадык гайгить тесэ малавикс раськень кельтнеяк. Марязтано минь эрьванть питнейчинзэ, эрявиксчинзэ! Кадык эрьвась эйстэнек те Покш промкссонть мельспаросо вастни умонь ялганзо ды муи одт! Кадык арсезь-теезь тевесь ули лезэв, ды делегаттнэ, эсь ёнксов велявтозь, весе пурназь ёрокчинть, од содамочитнень ютавтсызь эрямос эсест таркасост – тиринь раськест лезэс! Ялгат, эрзякс мерян-арсян тенк: шумбрань-паронь чи, овтонь-сярдонь вий!

Т.П. ШВЕЦОВА

ПРИВЕТСТВИЕ VII СЪЕЗДУ ФИННО-УГОРСКИХ НАРОДОВ
(текст для синхронного перевода)

Уважаемые участники VII Всероссийского съезда финно-угорских народов! Дорогие жители Мордовии, здравствуйте! Желанные гости Саранска, добро пожаловать на радушную землю эрзян и мокшан! Мы рады каждому из вас.

Нас многое разделяет, однако общего больше. И этот Съезд тоже объединяет – он собрал нас вместе, как дружную семью. Нам предстоит совместная ответственная и усердная работа по волнующим темам. Будем терпеливы и упорны, будем говорить о проблемах и искать пути их решения, понимая друг друга. Возьмём на вооружение новое, самое нужное и важное.

Пусть звучит родной язык сегодня и всегда! В наших устах и в устах наших детей. Как эрзянка обращаюсь ко всем соплеменникам: берегите родной язык, передавайте его детям! Язык – это основа основ. Рассказывайте им о своём роде-племени, о своём народе, давшем миру немало великих людей. Великие люди, вышедшие из народа, и есть самая благодатная почва, база, фундамент для воспитания национальной гордости. Каждому хочется гордиться своим народом! Можно очень долго рассказывать о людях, рождённых нашими народами и внёсших огромный вклад в российскую историю, науку и культуру.

Пусть звучат здесь все родственные языки. Мы будем слышать и чувствовать необходимость каждого. Пусть каждый из нас в эти дни на площадке Съезда с радостью встречает старых друзей и обретает новых! Пусть работа будет полезной и плодотворной, а делегаты, вернувшись в свои регионы, используют полученную информацию и приобретённый опыт в своей работе на местах во благо своего народа. Вдохновенного и полезного Съезда, друзья!

Т.П. ШВЕЦОВА,
председатель правления
Союза писателей Республики Мордовия,
ответственный секретарь журнала «Чилисема» («Восход»)