***
Эрясь-аштссь превей атя. Иензэ сизьгеменьшка ульнесть. Сакалов, черензэ шержейть. Вельть вечкиль сон раськензэ-роднянзо тонавтомо — превс путомо.
Весть истя урьванстэнь «превень максомсто» атясь кувать кочксесь зрявикс валт, кода тонанень кирдема прянзо атявтонзо-ававтонзо марто. Кортась-кортась, мейле та-кода валонзо трокс пупордясь, келезэ тапсевеме кармась, ды курок сон допрок чатьмонезевсь.
Те шкане вальмалга ютьщя шабрась кевкстизе урьванть:
— Мезе атянть марто теевсь?
Тона эзь талакадо ды цярадсь:
— Превензэ юткс кадовсь...
***
Кавто тейтерьават пелькстазевсть эсь ютковаст: кие эйстэдест седе уцяскав.
Вейкесь мерсь:
— Мои тондеть уцяскаван. Монь ули вечкевикс мирдем, кунсолыця эйкакшом, паро важодема таркам.
Омбоцесь тень каршо каясь:
— Тонь койсэ, те уцяска? Вана мон сюпаван, яксян сырнесз, теян мезе мелем, монь вечксамизь.
Пелькстыцятнень ваксс пачкодсь инвалидэнь коляскасо ава. Кедьсэнзэ кирдсь кши ды Библия. Варштавольть пелькстыцятне лангозонзо, сеске редявлизь: те авась сындест уцяскав, куш сонзэ мезезэяк арасель, Паздонть ды сонензэ кемемадонть башка.
***
Вете иесэ Нина эсь тевензэ топавтомо ушодсь валскестэ саезь: стявтызе удомсто аванзо, мурнизе катканзо, муськинзе няканзо палятнень, ваннынзе ялаксонзо чамань артомкатнень, кунсолось радио, пельчасошка кортнесь ялганзо марто.
Чокшне малав вийтеме прась диванонть лангс, стакасто укстась ды мерсь:
— Кода сизинь эрямодонть!
***
Тесэ коштось истямо ванькс, менелесь истямо маней, чипаесь тесэ истя эжди — кода косояк... Вармаськак тесэ чевте-чевте...
Чачома ёнкс... Тесэ оймем муи оймамо, пурны вий, превть, тонады морос. Тесэ мон свал марян прям тякинекс, содан: авам муи тень эрявикс валт, а макссамам покордамс…
Чачома ёнксов кись тунда ацазь ацави пиже кумбасо, кизна тантейстэ качады цецясо, сёксня вельтяви ожо пацясо, тельня одирьвакс наряжи ашосо. Нармушкатне кинь перть морсить кецямонь симфоният.
Сат кудов, тесэ тонь учить садпиресэ чукшторовтнэ, умартне, лисьмасо ормань менстиця ведесь... Ават пани каштомсо тантей кши — солазь солы кургозот.
Чачома ёнкс...
Ансяк иляк стувтне, сакшнок...
***
Васня пувазевсь экше вармине. Аламо шкань ютазь кекшсь пельтнень экшс чипаеськак. Пельтне сумборят, тандавтьщят, кежейть... Сынь вансть верде моданть лангс ды прок тошкасть варманть марто: «Ужодо, минь тенк невттяно…» Коштось пешкедсь летькеде. Мерят иредсь пиземе ведтенть. Апак учо кивчкадсь ёндол. Марявсь, менелесь кавтов лазовсь пурьгинень зэрттенть. Сэрей тикшесь лымбазевсь; паксятнева, теке иневедьга, тусть толкунт. Килейтнень лопаст соракадсть, тарадтнэ нурсезевсть. А кунсолыця вармась пейдезь пейдсь лангсост: тей люкштядьсынзе, тов. Ансяк лейнесь тунь эзь пеле, сон яла чийсь ды чийсь кевнетнень ланга, прок Ведявась кодась кувака черьпулот ды учось, зярдо пургить васень ведьбайгинетне.
Умарьксэсь снартнесь кекшемс кенерезь умарензэ лопа алов, ансяк эзь лисе — вант, вейкесь уш кеверсь масторов.
Каятотсь пурьгине. Таго кивчкадсь ёндол, ды пиземень симфониясь ушодовсь. Васня вейке покш ведьбайге, прок котныця сараз алдо ал, прась моданть лангс, мейле — омбоце, колмоце... Лашсо валозевсь. Вана те мелодия!.. Аламос аштезь марязевсь «барабаноськак». Улема, тусь цярахман. Алкукскак, киштезь киштсь моданть ланга.
Зярдо «барабанось» энгамсь, пиземеськак кармась маштомо. Ней уш кияк эйстэнзэ эзь тандале. Пертьпельксэсь мерят одс чачсь, эрьва лопинесь мизолдозевсь... Пурьгинесь ней зэрнесь косо-бути васоло. Моданть кутмордызе пиземечирьке. Сон покшоль, мазыель. Кепедсь мель, вадрялгавтсь ёжо...
***
Ломань... Ломань... Кият тон? Кодамо седееть? Мезе кандтнят пряпотсот? Мезде арсят? Мезень кувалма талнат? Мезде пелят?
Мерят, ракшатнень ютксо сехте превеят? Те кона ёндо варштамс. Меельце шкань теветь-валот, ломань, нулгодстить. Ракшатне седе превейстэ пряст ветить. Сынст пельде куш покордамот а марят, а мезень кис седееть а кольстясызь. А савкшны кувалмаст комадо яксемс... Мон кортан, ломань, оймедест, аволь обуцядост...
Мерят, виеват? А пелицят? Мекс эно чокшне ёнов ушовгак прят а ливтьсак? Сорнозь сорнат войнатведе, тандалят инфляцвядонть? Мекс неть сталмотне теть кодаяк а изнявить? Паряк, эсь виеть тонсь арсикак?
Аволь? Мезе эно кандтнят превсэть, ломань? Теде ансяк Верепазось соды. Эсеть алкуксонь преветь-мелеть свал кекшат манчемасо, сёпат. Улема, тонськак эйстэдест шкань-шкань тандалят-талакалят.
Ды кода а пелемс, зярдо оймесэть эрямонь перть зняро кеж таштави. Жаль маряват тень, ломань. Меельце шумбрачитькак а ванстат, нолдат вар- ма мельга сюпавчинь кисэ правтозь. Тонськак а редят, кода потсот весе паронть теке кери сукс сэвезь сэви. Оймак аламнес! Арсек, мезе теят!
Эрямось истякак нурькине... Арсек, ков эйсэть пачти течинь чись... Мезес...
***
Жил был умный старик. Лет ему семьдесят было. С бородой, волосы седые. Очень любил семейных родственников учить – в ум поставить.
Однажды так невестке «в умостановлении» старик долго подбирал нужные слова, как той вести себя со свекром-свекровью. Говорил-говорил, потом как-то в словах свои споткнулся, язык путаться начал, и скоро он совсем замолчал.
В это время за окном проходящая соседка спросила невестку:
– Что со стариком случилось?
Та не растерялась и ударила:
– В уме своем заблудился.
***
Две женщины поспорили между собой: кто из них самая счастливая.
Одна говорит:
– Я тебя счастливее. У меня есть любимый муж, послушные дети, хорошее рабочее место.
Вторая на это бросила:
– По-твоему, это счастье? Вот я богатая, хожу в золоте, делаю, что хочу, меня любят.
К спорящим подошла женщина в инвалидной коляске. В руках держала хлеб и Библию. Если бы спорящие посмотрели на нее, тут же заметили: эта женщина их счастливее, хоть у нее ничего не было кроме Бога и веры в него.
***
Пятилетняя Нина свои дела делать начала утром: разбудила спящую маму, упрекнула кошку, постирала платье куклы, посмотрела краски для лица своей сестры, послушала радио, полчаса разговаривала с подружкой.
Под вечер без сил упала на диван, тяжело вздохнула и сказала:
– Как я устала от жизни!
***
Здесь воздух такой свежий, небо такое чистое, солнце здесь так греет – как нигде… Ветер здесь мягкий-мягкий…
Родная сторона… Здесь душа моя находит покой, собирает силы, ум, привыкает к песне. Здесь я всегда чувствую себя ребенком, знаю: мама найдет для меня нужные слова, не даст в обиду…
В родную сторону дорога покрыта зеленым ковром, летом вкусно пахнет цветами, осенью покрывается желтым платком, зимой невестой наряжается в белое. Птички в дороге поют радостные симфонии.
Придешь домой, здесь тебя ждет в саду смородина, яблони, в колодце от болезней избавляющая вода… Мама печет в печке вкусный хлеб – тая тает во рту.
Родная сторона…
Только не забывай, приходи…
***
Вначале подул прохладный ветерок. Через некоторое время спряталось за тучами солнышко. Тучи хмурые, пугающие, сердитые… Они смотрели сверху на землю и будто шептались с ветром: «Подождите, мы вам покажем…» Воздух наполнился влагой. Скажешь, опьянел от дождливой воды. Неожиданно сверкнула молния. Показалось, небо надвое раскололось от грохота грома. Высокая трава заколыхалась; по полям, как по океану, пошли волны. Листья березки вздрогнули, ветки укачало. Непослушный ветер смеясь смеялся над ними: туда подбросит, сюда. Только речка вовсе не боялась, она все бежала и бежала по камушкам, будто бы Ведява (покровительница воды в мордовской мифологии) заплетала свои косички и ждала, когда капнут первые капли дождя.
Яблоня пыталась спрятать спелые яблоки под листьями, только не вышло – смотришь, один уже покатился на землю.
Раздался гром. Опять сверкнула молния, и дождливая симфония началась. Сначала одна капелька, как будто под кудахтающей курицей яйцо, упала на землю, потом – вторая, третья… С шумом полилось. Вот эта мелодия!.. Через некоторое время послышался «барабан». Наверное, пошел, град. Действительно, плясал на земле.
Когда «барабан» утих, дождь начал прекращаться. Теперь уж никто его не боялся. Природа скажешь вновь родилась, каждый лепесточек улыбался… Гром теперь грохотал где-то вдалеке. Землю обняла радуга. Она была большая, красивая. Повышала настроение, хорошело состояние…
***
Человек… Человек… Кто ты? Какое сердце? Что носишь в голове? О чем думаешь? О чем беспокоишься? Чего боишься?
Скажешь, среди животных самый умный? Это с какой стороны посмотреть. В последнее время дела-слова твои, человек, отвращают. Животные умнее ведут свои головы. От них хоть оскорблений не слышно, за не за что сердце не испортят. Не придется из-за них нагибаясь ходить… Я говорю, человек, об их душе, а не о характере…
Скажешь, сильный? Не боящийся? Почему тогда под вечер на улицу голову не высунешь? Дрожаще дрожишь от войн, пугаешься инфляции? Почему эти тяжести ты никак не преодолеешь? Может, свою силу ты сам придумал?
Нет? Что тогда носишь в голове, человек? Об этом только Всевышний знает. Свои настоящие мысли-желания всегда прячешь враньем, скрываешь. Наверное, ты сам от них время от времени пугаешься-теряешься…
И как не пугаться, когда в душе твоей в течение жизни столько зла накапливается. Жаль мне тебя, человек. Последнее здоровье свое не бережешь, пускаешь по ветру из-за богатства роняя. Ты сам не заметишь, как внутри, словно все хорошее режущий червь скушает. Отдохни ненадолго! Думай, что делаешь!
Жизнь итак короткая… Подумай, куда тебя доведет сегодняшний день… Чему…
Подстрочный перевод автора
Назад в раздел
