"Чипай валдонь каштаз тонеть кодан..." ("Сплету тебе венок из солнечного света...")

Чипай валдонь каштаз тонеть кодан.
Вечкемасо вейсэндясынь пензэ.
Вармань эрьгеть кирьгат перька содан,
Вечкезь прям путса чевте мештезэть.

Лембе мизолксонь пусмо казян теть,
Сельмс ванозь, ды апак визделгале.
Каршонзо венстик кедеть, иля пельть,
Кучт мизолкс монень, вечкевикс аля.

Раужо менельс нусманясто варштазь,
Та- косто васолдо редян валдо.
Ды чарькодян: те вечкемань каштаз
Цивтерды пиземень пельтнень алдо…

Сплету тебе венок из солнечного света.
Любовью соединю концы его.
На шею твою повешу бусы из ветра,
Любя положу голову на грудь твою.

Подарю тебе букет из теплой улыбки,
Глядя в глаза и не стесняясь.
Протяни к нему руку, не бойся,
Пошли мне улыбку, любимый.

Посмотрев с грустью на черное небо,
Где-то далеко замечу свет.
И пойму: это венок любви
Сверкает под дождевыми тучами.

Подстрочный перевод автора