Вошйы-сибöдчы, батьö…

Прöстит, бать, коми пармалöн пи, -
Кыйсян пищальыд вевттьысьö сiмöн.
Сiйöн талун ме ог кый ни ви,
Коркö  вöлi кöть зэв стöча инмö.

Прöстит, бать, Сöвет мулöн салдат, -
Лазтö жытникын воз сёйны пондiс…
Кымын ылысмö торъялан кад,
Сымын ёнджыка сьöлöмöс ёнтö.

Нитшка чöс туяд ог нин ме кай,
Зверöн-пöткаöн озыр кöть öнöдз.
Вошйы-сибöдчы, батьö. И вай
Öти кöшельысь куритчам пöттöдз.