"Кувсяс пöрысь морт..."
Кувсяс пöрысь морт –
пöчö вöлi шуö: кад пö воис…
Кувсяс том морт –
медводз Енмыс босьтö медбуръяссö…
Кувсяс челядьпосни –
анделъяс пö ковмöмаöсь..
А кор кувсяс том мортлöн сьöлöмыс?
Мый эськö та вылö шуис менам дона пöчö,
ловъя кö вöлi…
Но абу нин ловъя.
Мыйла
мукöд войтырыс
и сёйö, и юö, и уджалö,
и весиг челядьöс быдтö, -
быттьö збыль ловъя морт,
а шыöдчан налöн сьöлöм дорö,
быттьö кын ёкмыль киад пуктасны…
Мыйла?!
Назад в раздел
|