Ilman hil’l’us

Pohjaine alevui, uinottih bauhut,
Suvine lämmäizen toi.
Järvi, kui zirkalo, seizou kui kauhas.
Kezoidu kylbie jo vois.

Taivas, ku od’d’ualu, ribulois halgei
Raikkahal, helakol siäl.
Lennetäh pilvet, kui heboizet valgiet,
Sinizien vedoizien piäl.

Mečäspäi kuuluu vai čičetys linnun,
Sammal ei lekahtai suol…
Nenga ku laivenis syväimyt minun,
Kenbo sil hoivuksen tuou?