"Оз пö радейтны комияс..."
Оз пö радейтны комияс
Дзоридз…
Налöн сад йöрыс –
Став Эжва дорыс,
Небыд шöвкаöсь
Кытöнi видзьяс,
Öтар-мöдарас кöн
Эзысь кыдзьяс.
Оз пö радейтны комияс
Сьывны,
Оз пö нимавны ёна,
Оз кывны…
А тi кывзöй,
Кыдз сьылöны танi,
Весиг тöв сьылö со
«Шондiбанöй».
Оз пö радейтны комияс
Мичлун…
Найöс нэмъяс чöж
Олöмыс личкис.
Öнi –
Выль олöм дорöны найö,
Медся мичаыс му вылас –
Тайö.
Назад в раздел
|