"Ме бара Гарьяын..."
Галя чойлы
Ме бара Гарьяын.
Кöть ог и мунлы тась.
Мед лымсö гартлö öшинь сайын турöб,
А танi шоныд,
Каньпи öтнас дурö,
И варовитö мамкöд Опонась.
Суседъяс костын пыр нин
Сёрни эм:
Мый тöждысьöдö,
Вöчсьö гöгöр,
Кывсьö…
Сук тшынöн пуркйö
Тола сайын пывсян.
Бать лöдсалö,
А ва лöсьöдны – мем.
А помнитан?
Сикт весьтын енэж лöз,
И малыштны быд дзоридз
Вöлi дась тэ…
Шöвк туруна веж видзьяс йылысь казьтiг,
Стен сайын ньöжйö
Бакöстыштлö мöс.
Рад воны татчö,
Любöй кадö дзик.
И вояс чöжöн йитöдъяс оз кусны.
Öд Чужан муöй дiнö
Ыджыд муслун
Ме пытшкын öзтö
Ичöт Гарья сикт.
Назад в раздел
|