1
Лöддза-номъя…
Öнiя ног – июнь.
Совдор гöгöр жöдзöны ушкуйникъяс,
Чургöдöны асывланьö чунь:
Сэн – зыряна,
Нöшта лун-мöд уйны кö.
Вылысаныс зёлякылö кöрт,
Сьöкыд киын дзирдыштöны черъясныс.
Водзсась, парма войтыр, а эн бöрд,
А то ставсö мырддяласны-перъясны.
Чернеч Степö
Вылын кутö крест.
Мылышты, владыко, -
Йöзыс шуöны.
Енвевтсянь кöть виччысьöны мезд.
Кабыръяссö топöдöмöн жуöны.
А владыко тöдö ассьыс мог,
Коми кывйöн велöдöмсö висьталö:
«Кевмысьöй,
Эз сибав медым лёк,
Христос туйöд олöм чöжныд
Восьлалöй».
Войтыр эськö сöнйöра,
Да рам,
Мый тшöктасны енногсаяс – вöчöны:
Войпöль вунi,
Ланьтiс мывкыд Пам,
Мича Ёма
Пöри выжыв пöчöö.
Наян котыр комиöдз эз во,
Вичкоясын юрöбтiсны «Отче наш…»
Чайтiсны кö – Енсянь шуда во,
Вöлöмкö да – князьлöн ми выль вотчина.
Жебмис Пермын Новгородлöн власьт –
Мöд вын сiйöс чорыд киöн тракнитiс:
Тавоö ушкуйникъясöс тась
Бергöдiсны Мöскуаса ратникъяс.
2
Абу озыр,
Он и шу, мый гöль,
Эз нимав ни полысьöн, ни лябöн,
Вичко кильчö дорын ылыс пöль
Юрсö жуглö: пырны али абу?..
Сардмöм кинас ниртö балябöж:
Кутшöм помтöм олöм думысь корся?
Велöдöмыс тайö збыль-ö, лöж?
Ог-ö мыйкö ассьым тадзнад ворссьы?
Чернеч Степлöн Енмыс вына, дерт,
Помöдзыс и Памным со эз венлась.
Кыдз нö мый?..
Но некод шы сет.
Ланьтiсны и важся коми енъяс.
1
Лето.
Июнь.
Вокруг Сольвычегодска толпятся ушкуйники,
Показывают пальцем на восток:
Там – зыряне,
Если еще день-два пройти.
На ушкуйниках позвякивает железо,
В руках поблескивают топоры.
Защищайтесь, люди пармы, а не плачьте,
Не то – всё отнимут-отберут.
Стефан
Высоко держит крест.
Помилуй, владыко, -
Люди просят.
Но хоть с неба ожидают спасения,
Топчатся со сжатыми кулаками.
А владыко знает свою задачу,
На коми раскрывает свое учение:
Молитесь,
Чтобы отогнать напасти,
В течении всей жизни по дороге Христа
Шагайте.
Люди вообще-то крепкие,
Но смирные,
Что велят стоящие за Бога – делают
Забыт Войпель¹,
Замолчал мудрый Пам²,
Красивая Ёма³
Превратилась в безобразную старуху.
Ушкуйники до Коми не дошли,
В церквях грянули «Отче наш...»
Подумали - от Бога счастливый год,
Оказалось - мы у князя новая вотчина.
Ослабела в Перми власть Новгорода –
Поборола более мощная сила:
В том году ушкуйников отсюда
Оттеснили ратники Москвы.
2
Не богат,
Не скажешь, что бедный,
Не слыл трусом или слабаком,
Возле крыльца церкви далекий прадед
Голову «ломает»: заходить или нет?..
Огрубевшей рукой чешет затылок:
Какую-такую бесконечную жизнь ищу?
Учение это - правда или пустое?
Не потеряю ли я что-то своё?
У Стефана Бог, видно, силен,
Вон и Пам наш не выдержал борьбу до конца.
Как же быть?..
Но никто не дает ответа,
Замолчали и исконные коми боги.
¹ Войпель – букв.: северный дедушка. Языческий Бог.
² Пам – последний духовный вождь у языческих коми.
³ Ёма стала олицетворением злых сил.
Подстрочный перевод автора
Назад в раздел