"Косьмöм дзоридзьяс кын пызан вылын..."
Косьмöм дзоридзьяс кын пызан вылын —
Йизьöм керкаын тіралысь би,
Вошöм йöлöга — чуксасьö ылын,
Сöмын весьшöрö: сьöлöмын йи.
Косьмöм дзоридзьяс — вундöм эскöм,
Ланьтöм сьöлöмын — кенясьöм дой.
Кусöм олöмын — кадыслы дзескыд:
Шытöг мунöма-кольöма вой.
Косьмöм дзоридзьяс — гожöмыс эштіс,
Косьмöм дзоридзьяс — помасис вöт.
Налысь дон кодкö мынтас-ö, вештас?
Ме ог тöд. Ме ог тöд. Ме ог тöд.
Назад в раздел
|