Гытсан
Лöзов сынöдöдз бордъя гытсан
Ыджыд лэбач моз лыбö-качö.
Кымынь бергöдчö муыс быдсöн,
Енэж чеччалö сэтчö-татчö.
Еджыд юсь моза, чайтö, лэбас,
Кыпыд сынöдас лэптас ловсö.
Сылöн тырмö на вын и эбöс,
Ловъя ловлöн моз вирыс ворсö.
Сöмын кöсйöмыд оз пыр артмы —
Увланьюрасис енэж и ю,
Качысь гытсанлысь бордсö гартö
Сімöм чепъясöн ас бердас му.
Да и олöмас пырджык тадзи —
Борднад öвтчан да он на тай лэб.
Сідз и шыбласям сэтчö-татчö,
Кöть и кöсйöмным абу зэв жеб.
Назад в раздел
|